Кніга ўяўляе сабой найбольш поўны сярод існуючых збор фальклорных матэрыялаў — легенд, паданняў, прымхаў, замоў, народных апавяданняў, рытуяльных абрадаў, запісаных на Беларускім Палессі ў канцы XIX – пачатку XX стагоддзя вядомым вучоным — фалькларыстам, этнографам, мовазнаўцам і літаратарам А.К.Сержпутоўскім. Яны даюць яскравае ўяўленне аб светапоглядах беларусаў-палешукоў, дазваляюць раскрыць творчую ролю народа ў стварэнні духоўных каштоўнасцей, прасачыць за тым, які ўплыў аказвала і аказвае беларуская народная творчасць на развіццё славянскай фалькларыстыкі.