Вяртаннем з небыцця можна назваць творы беларускага археолага, пісьменніка, гісторыка, этнографа і фалькларыста сярэдзіны XIX стагодзя І.П.Барычэўскага. У сваіх кнігах Іван Пятровіч першым зрабіў спробу знайсці агульныя міфалагічныя карані славянскіх народаў і ў форме міфаў, казак, паданняў і займальных аповедаў прадставіць іх чытачу. Мы пазнаёмімся з такімі цікавымі персанажамі, як пан Твардоўскі, Пане Каханку, ваявода Канеўскі, а 170 прыкмет беларускага народа, якія ўвабралі ў сябе вопыт тысячагоддзяў, дазволяць чытачам карыстацца імі ў абыдзённым жыцці. Кніга, як першая публікацыя на роднай мове твораў беларускага гісторыка і этнографа, будзе цікавай як краязнаўцам, аматарам даўніны і прыгожага пісьменства, так і навукоўцам.